პასუხი ასტროლოგისგან

რატომ განსხვავდებიან სხვადასხვა წელს დაბადებული ერთი და იგივე ზოდიაქოს ნიშნის წარმომადგენლები ერთმანეთისგან?
მარიამი, 22 წლის

სწორედ იმიტომ, რომ სხვადასხვა წელს არიან დაბადებულნი (ეს ყველაზე ცოტა, რაც შეიძლება ამ თემასთან დაკავშირებით ამჯერად ითქვას. უფრო ვრცლად, შემდგომში).

ალბათ იცით, რომ აღმოსავლური კალენდრის მიხედვით, არსებობს სამყაროს განვითარების თორმეტწლიანი ციკლი.

თითოეულ წელს თავისი სახელწოდება (მაგ. ძაღლის წელიწადი, ღორის წელიწადი და სხვ.) აქვს და მხოლოდ მისთვის დამახასიათებელი თავისებურებითა და ვიბრაციით გამოირჩევა.

ბუნებრივია, რომ მოცემულ პერიოდში დაბადებული ადამიანიც, ზოდიაქოს ნიშნის (თვის და რიცხვის მიხედვით) თვისებებთან ერთად, დამატებით კიდევ იმ წლის თვისებების მატარებელიც ხდება,

რომელ წელსაც დაიბადა. მაგ. ადამიანი, რომელიც დაიბადა 14.11.1985 წელს საკმაოდ განსხვავდება ადამიანისგან, რომლიც 14.11.1984 წელსაა დაბადებული.

მიუხედავად იმისა, რომ ორივე მორიელის ნიშნის წარმომადგენელია და მათ შორის მსგავსება საკმაოდ დიდია, ისინი მაინც არ იქნებიან იდენტურები,

რადგან 1985 წელს დაბადებულ ადამიანს მორიელთან ერთად ხარისთვის დამახასიათებელი თვისებები აქვს, 1984 წელს დაბადებულს კი - ვირთხის.

ისედაც, რამდენად გვანან ბუნებაში ერთმანეთს ხარი და ვირთხა, მოგეხსენებათ, ასევეა აღმოსავლური ასტროლოგიის მიხედვითაც -

თითოეული წელიწადი თავისი მახასიათებლებით განსხვავდება ერთმანეთისგან. არ არის საკმარისი მარტო ზოდიაქოს ნიშნის ცოდნა,

ადამიანის ფსიქო ტიპის მთლიანი სურათის შესაქმნელად აუცილებელია დაბადების წლის, საათის და ადგილის გათვალისწინებაც.

მოდის სიხარულის, ბედნიერების, სიყვარულის წელი!

იმისთვის, რომ დამდეგი კურდღლის (კატის) წელი კარგად დაგვეკვებოს, ჩვენც მასსავით მშვიდი, დიდსულოვანი, კეთილგანწყობილნი უნდა გავხდეთ და მაშინ, ჩამოვარდნისას (როგორც პირდაპირი, ისე გადატანითი მნიშვნელობით), ყოველთვის ოთხ ფეხზე დავეცემით.

პირველი თვისება, რაც ამ ცხოველს სხვებისგან გამოარჩევს _ მოკრძალებაა. ის აფასებს კეთილ დამოკიდებულებას, სულიერ სითბოსა და სტუმართმოყვარეობას. ამიტომ კურდღლის წელში მეტი ყურადღება დაუთმეთ მეგობრებთან, ახლობლებთან, ნათესავებთან ურთიერთობებს. ხშირად მოიწვიეთ ისინი სტუმრად. სასურველია, თუ მათთან ერთად გაატარებთ ახალი წლის ღამესაც.

სადღესასწაულო სუფრაზე აუცილებლად უნდა გვედგას ვაშლები და ფეტვი. საერთოდ, სუფრაზე სასურველია, იყოს ბევრი ვეგეტარიანული კერძი - ყველანაირი ბოსტნეული, განსაკუთრებით ბალახეული – მწვანე ხახვი, კამა, ოხრახუში, სალათის ფოთლები.

ასევე, სასურველია თევზის და არაჟნის დადებაც, რადგან ეს წელიწადი კურდღელთან ერთად კატის წლადაც ითვლება იაპონური ასტროლოგიის მიხედვით.

2011 წლის სიმბოლოს, კურდღლის გასახარად, სასურველია, ნაძვის ხის ქვეშ, სხვა საჩუქრებთან ერთად, დადოთ სტაფილოს შეკვრა.

იმდენად, რამდენადაც 2011 წლის სტიქია ლითონია, მთელს სახლში განალაგეთ ლითონის ბინის მოსართავები (მაგ. ლითონის ლარნაკები, ან სასანთლეები და სხვ.). მაგიდის გასაწყობად გამოიყენეთ ლითონის ჭურჭელი. სახლში უნდა იყოს ნათელი, მყუდრო, სასიამოვნო ატმოსფერო.

არ დაგავიწყდეთ ამ წლის სიმბოლოების ყიდვა და მათი ახლობლებისთვის ჩუქება. ერთი სიმბოლო თქვენთვისაც დაიტოვეთ და დადგით თაროზე, ან მიამაგრეთ მაცივარს (იყიდება სპეციალური მაცივრის სამაგრები), რათა ახალი წლის კეთილგანწყობა დაიმსახუროთ.

საახალწლოდ "ფორმულა კრეატივი” თინეიჯერულ მელოდრამას შემოგვთავაზებს.

ფილმის სახელწოდება "ctrl+s” იქნება და მსახიობები, პირველად ქართულ კინოსივრცეში, facebook-is სოციალური ქსელის მეშვეობით შეირჩევიან.

სიუჟეტი 17 წლის გოგონას – გვანცას და მის თანაკლასელ ბიჭს შორის ვითარდება.

გვანცას ბავშვობიდან უყვარს სანდრო, ხშირად წერს - ძირითადად საკუთარ თავზე, მისი რჩეული კი ფოტოგრაფიით არის გატაცებული.

ფილმში არიან სხვა პერსონაჟებიც, თუმცა მათი ასაკი შედარებით დიდია და შერჩევაც სამსახიობო წრეში გაცილებით იოლი იქნება.

დანარჩენს, სავარაუდოდ, იანვრის ბოლოს, კინოთეატრის ეკრანებზე თავად იხილავთ.