ცოტა ხნის წინ Google -მა განაცხადა, რომ საბოლოოდ აპირებს თავისი კრახით დამთავრებული პროექტის  Google Wave-ის შეჩერებას. როდესაც ეს პროექტი იქმნებოდა, მასზე მისი მესვეურები ძალიან დიდ იმედებს ამყარებდნენ. მაგრამ ეს უკვე მეორე წარუმატებელი პროექტია, რომელზეც მეგა კომპანია უარს ამბობს.  გუგლი მიჩვეულია ტრიუმფის პიკზე ყოფნას. მიუხედავად იმისა, რომ Google Wave-ს რამდენიმე ერთგული მიმდევარი დღემდე შემორჩა, კომპანია მაინც არ აპირებს ამ პროექტზე დროის კარგვას.

Eric Schmidt-მა ბოლოს ისიც კი განაცხადა, რომ დაშვებული შეცდომებიდან ბევრს ვსწავლობთო. მანვე ყველა ის ფაქტორი დაასახელა, თუ რატომაც მივიდა კომპანია ამ გადაწყვეტილებამდე.

უკვე რამდენიმე თვეა ვრცელდება ინფორმაცია, რომ გიგანტური სოციალური ქსელის დამფუძნებელი მარკ ცუკერბერგი ახალი სერვისის გამოშვებას აპირებს, რომელიც ბოლოს მოუღებს Gmail-ს. საუბარია ახალი ელექტორონული ფოსტის შემუშავებაზე, რომელიც ოფიციალურად Project Titan სახელითაა ცნობილი, თუმცა მოარული ჭორებს თუ დავუჯერებთ ამ პროექტს პარალელურად Gmail Killer ეძახიან.

დაპირისპირება ამ ორ მეგა კომპანიას შორის მას შემდეგ დაიძაბა, რაც გუგლმა განაცხადა, რომ უნიკალური სოციალური ქსელის შექმნაზე მუშაობდნენ. ამჯერად საპასუხო დარტყმისთვის ცუკერბერგი ემზადება. ვნახოთ, რით დამთავრდება მათი დაპირისპირება.