რა არის კარგი და რა ცუდი, რა შეიძლება და რა არ შეიძლება. ამ საკითხებზე ყველას საკუთარი შეხედულება აქვს, თუმცა იმისათვის, რომ განსხვავებულმა შეხედულებებმა ადამინები ქაოსამდე არ მიიყვანოს, შეიქმნა ზოგადსაკაცობრიო, თუ დამკვიდრებულ კულტურასა და ქვეყანას მორგებული კანონები. კანონები – დაწერილი თუ დაუწერელი.

დაუწერელი კანონები, ეს ის კანონებია, რომელთა დაცვაც ძვალსა და რბილში გვაქვს გამჯდარი. ამასთან სახელმწიფო ქმნის კანონებს, რომელთა დაცვა არ დაცვა, მხოლოდ პირად სურვილებზე არაა დამოკიდებული. აიძულო ადამიანი დაიცვას ასეთი კანონები კი ყველაზე რთულია.

ალბათ, თქვენთვისაც ცნობილია გავრცელებული აზრი, რომ „კანონი იმისათვის არსებობს, რომ დაარღვიო." საჭიროა, ვიპოვოთ ის, რაც ადამიანისათვის უფრო ფასეულია, უფრო მაღლა დგას, ვიდრე მშრალი კანონები. რა შეიძლება იყოს ეს? ოჯახი, მეგობრები და კიდევ მრავალი.

როგორც ჩანს, სწორედ ეს გაითვალისწინეს ბრიტანელმა „რეკლამშიკებმა", როდესაც გადაიღეს სოციალური რეკლამა უსაფრთხოების ღვედთან დაკავშირებით. გავრცელებული აზრის მიხედვით ასეთი რეკლამები ყოველთვის ერთნაირი და მოსაწყენია. თუმცა ამ რეკლამამ ეს წინასწარ შექმნილი აზრი დაარღვია. ამ რგოლის ნახვისას ქართული ანალოგი გამახსენდა „შეიკარი ღვედი სიყვარულისათვის".ვიდეოს სანახავად შედით გაგრძელებაში

გადატვირთული და აჭრებული სარეკლამო ბაზრის პირობებში, იუმორით გაჟღენთილი რეკლამები თუ სარეკლამო პოსტერები ყოველთვის რჩება ფართო აუდიტორიის ყურადღების მიპყრობის ერთ-ერთ ყველაზე იშვიათ, მაგრამ ეფექტურ საშუალებად.

ეს ის შემთხვევაა, როდესაც აუდიტორია უფრო ლოიალურია და მეტ ყურადღებას უთმობს მსგავსი ტიპის სარეკლამო შეტყობინებებს.

ამ პოსტში ჩვენ შევკრიბეთ 40 ხმაურიანი და ნამდვილად კრეატიული სარეკლამო პსოტერები, რა თქმა უნდა, თქვენივე განწყობის ასამაღლებლად… სურათები გაგრძელებაში...

ძალიან ხშირად მეცნიერული წინსვლის მამოძრავებელი სამეცნიერო ფანტასტიკაა. საკმარისია გავიხსენოთ მრავალი სხვადასხვაგვარი მოწყობილობა, რომლებიც ფანტასტიკურ ლიტერატურაშია აღწერილი, რომლებიც რეალობად იქცნენ. მეცნიერების მორიგი ნამუშევარიც ფანტასტიკურ ნაწარმოებებზე, კერძოდ, ვიდეოთამაშების სერიაზე Crysis გვაფიქრებინებს. ეს აზრებით მართვადი ეგზოჩონჩხია.

ნამუშევარი ჩიკაგოს უნივერსიტეტის მეცნიერთა და ინჟინერთა ჯგუფს ეკუთვნის. კვლევის დროს მეცნიერები კომპიუტერულ ინტერფეისზე ატარებდნენ ექსპერიმენტებს, რომელიც პირდაპირ ტვინით იმართებოდა. ამისთვის, მათ მაიმუნის ტვინს ელექტროდები მიუერთეს და აზრით კურსორის მართვა ასწავლეს. ელექტრონიკა ელექტრო იმპულსებს კითხულობს და მათ კომპიუტერისთვის გადასაცემი ბრძანების ინტერპრეტაციას აძლევს. კვლევის პროცესში აღმოჩნდა, რომ მაიმუნები გაცილებით სწრაფად სწავლობენ მართვას, თუ კი ვირტუალური მოძრაობების ასოცირება ცხოველის რეალურ მოძრაობებთან ხდება.

მეცნიერები მჭიდროდ მიუახლოვდნენ აზრით მართვადი ეგზოჩონჩხის მზა პროტოტიპის შექმნას. ახლა ტექნოლოგიის სრულყოფა და მისი ადამიანის მიერ გამოყენებისთვის ადაპტირებაღა დარჩა.