სრულიად საქართველოს კათალიკოს-პატრიარქს, მცხეთა-თბილისის მთავარეპისკოპოს და ბიჭვინთისა და ცხუმ-აფხაზეთის მიტროპოლიტს, უწმიდეს და უნეტარეს ილია II-ს 78 წელი შეუსრულდა. საპატრიარქოში იუბილესთან დაკავშირებული მიღება გაიმართა; ისმოდა გალობა, შესრულდა კლასიკური ნაწარმოებები. "მთავარი ის კი არ არის, რომ დღეს ჩემი დაბადების დღეა, მთავარია, რომ ჩვენი ერი სულიერად ძლიერია, მთელი ერი ერთად არის და ვერავითარი შინაგანი თუ გარეშე მტერი ვერაფერს დააკლებს", ბრძანა პატრიარქმა. მან სტუმრებს მადლობა გადაუხადა და ყველას ბედნიერი შობა-ახალი წელი უსურვა. უწმინდესი კონსერვატორიის საკონცერტო დარბაზში გამართულ კონცერტსაც დაესწრო.