ჯეიმს ბონდის ახალი სერია 2012 წლის 9 ნოემბერს გამოვა კინოეკრანებზე

სტუდია MGM-ის პრობლემები წარსულს ჩაბარდა და კომპანია თავის პროექტებს დაუბრუნდა. ჯეიმს ბონდის 23-ე სერიაზე 2011 წლის ბოლოს იწყებენ მუშაობას. ფილმის რეჟისორად სემ მენდესი დაამტკიცეს, ხოლო აგენტ 007-ს კვლავ დენიელ ქრეიგი შეასრულებს. ლეგენდარული ბრიტანელი შპიონი 2012 წლის 9 ნოემბერს გამოჩნდება კინოეკრანებზე. ფილმის სახელწოდება ჯერ არ არის ცნობილი, არც სიუჟეტი. ცნობილია, რომ სიუჟეტი დაიწყება იქ, სადაც 'მოწყალების კვანტუმი' დამთავრდა. სცენარზე მუშაობდნენ ნილ პერვისი, რობერტ უეიდი და ჯონ ლოგანი. ქასთინგი ახლო მომავალშია დაგეგმილი.