ჯერ კიდევ ჩვენს ერამდე დაიწყეს ადამიანებმა კოსმეტიკის გამოყენება, რასაც მოწმობს აკლდამებში ნაპოვნი მალამოების ჭურჭელი.
დაუჯერებელია მაგრამ ფაქტია პირველი პლასტიკური ოპერაციები გააკეთეს ძველ რომში. პოპულარული იყო ცხვირისა და ყურის ფორმის შეცვლა.
რაც შეეხება კოსმეტიკას _ ჯერ კიდევ პლატონი წერდა: `ქალი კოსმეტიკის გარეშე იგივეა, რაც კერძი უმარილოდ”. ეს მტკიცებულება დღემდე ძალაშია.
_ ჩვ.წ. აღ. II საუკუნეში ეგვიპტის დედოფალმა კლეოპატრამ შექმნა საკუთარი კოსმეტიკური რეცეპტები, რომლებიც არქეოლოგებმა მისი პარფიუმერიის ლაბორატორიაში მიაკვლიეს.
_ ჩვ. წ. აღ. II საუკუნეში რომაელმა ექიმმა გელენმა გამოიგონა გამაგრილებელი მალამო, რომელსაც დღესაც იყენებენ გაღიზიანებული კანის სამკურნალოდ. ამ მალამოს შეეძლო ადამიანის კანიდან მოეცილებინა დამღა, ხალი, პიგმენტური ლაქები.
IX საუკუნეში მარსელში _ ფრანგებმა პირველად დაამზადეს საპონი, რომელიც უსწრაფესად გავრცელდა მსოფლიოში.
XI საუკუნეში ავიცენა პაციენტებს ურჩევდა, მშრალ კანზე წაესვათ ნუშის, გვირილის ან სხვა მცენარის ზეთი, ასევე ცხვრის დუმა, თაფლი, ყურძნის წვენი, მის კოსმეტიკურ რეცეპტებში პირველადაა მოხსენიებული ქრისტესისხლა, ალოე, სახამებელი, კამა.
XVII საუკუნეში ევროპაში მოდაში შემოვიდა პუდრი. კენიელმა ვაჭარმა ფირინმა აღმოაჩინა ოდეკოლონის მომზადების საიდუმლო _ წყალს ამატებდა ეთეროვან ზეთებს და ციტრუსის არომატს. სხვა ვერსიით ოდეკოლონის რეცეპტი გამოიგონეს ესპანელმა ბერებმა, ფირინმა მათგან იყიდა და 1709 წელს გასაყიდად გამოიტანა.