ამერიკულმა სოციალურმა ქსელმა ”facebook”- მა საინვესტიციო ბანკის Goldman Sachs-ის და რუსული კომპანია Digital Sky Technologies-ის სახსრები მიიზიდა, რაც ექსპერტებს საშუალებას აძლევს, საიტი რეკორდულად მაღალ თანხად, 50 მლრდ დოლარად შეაფასონ.

როგორც გაზეთი ”New York Times” იუწყება, "Goldman Sachs" -მა ”ფეისბუქში” 450 მლნ დოლარის ინვესტიცია ჩადო, ხოლო " Digital Sky Technologies" -მა 50 მლნ დოლარი.

გამოცემა, ინკოგნიტო წყაროზე დაყრდნობით წერს, რომ ამის გამო სოციალური ქსელი 50 მლრდ დოლარი ღირს. ანუ საიტის ღირებულება აჭარბებს პოპულარული აუქციონის " eBay" -ს და მსხვილი კომპანია "Time Warner "-ის ღირებულებას.

როგორც გამოცემა წერს, ”ფეისბუქი” ინვესტიციას ახალი პროდუქტების შემუშავებისთვის გამოიყენებს. გარდა ამისა, "ფეისბუქის” თანამშრომლებს და ამჟამინდელ აქციონერებს შეუძლიათ, თავიანთი აქციები მომგებიანად გაყიდონ.

ამავდროულად, "ფეისბუქის" შემქმნელმა მარკ ცუკერბერგმა უარყო ინფორმაცია იმის შესახებ, რომ კომპანია საფონდო ბირჟაზე გასვლას გეგმავს